جد ما عرفت اختار عنوان لانو اصلا مش عارف عنو شو بدي اكتب
بس جد اني مقهور كتير و مش عارف اعبرر عن اللي جواتي يعني الشعور بالعجز و الاهانة كان لاقصى درجة كالعادة
ما عمري اتفقت انا و اخواني لانو ببساطة تفكيري غير عن تفكيرهم و زمان كنت اتضايق كتير بس هلا عم طنش اكتر بس مرات بتكبر براسي وما بقدر اطنش لانو جد شي بمغص :(
يعني لما اخوك الزغير يعلق ع حكيك و انك مش زلمة و يصير يعيرك انو بدوش يفضحك و خلي الواحد ساكت جد استفزني لابعد درجات الاستفزاز صرت احكي اتفضل احكي يلا انا بدي اعرف يا محترم
ما شفتو الا و هو ادامي و بمد ايدوا علي جد انكسرت كرامتي و اول مرة بشعر بالاهانة و الاحتقار لهاي الدرجة انو اخوي الاصغر مني بعيرني و بضربني و انا بس بفكر كيف اتجرا و مد ايدوا علي ؟ انا مش اخو انا ما بقرب الو؟؟؟؟؟؟؟؟؟؟؟؟؟ انا شو بالنسبة لهاي العيلة انا مين بالنسبة الهم؟؟؟؟؟؟ كل هاي الاسئلة و رغبة الموت كانت براسي و الموع عم تنزل ع وجهي و مش قادر اوقفها و صوتو و هو لسه عم يصرخ و يسب!!!!
رحت ع غرفتي و نمت بتختي و انا عم ابكي و احكي لربنا انو ان شاء الله بموت ....... بعد شي نص ساعة طلع البابا من غرفتو بعد ما خلص تلفونو مع !!! و طبعا كلمتو المعتاده انتو بطلتو تستحوا!!! و الماما كالعاده عشان تنهي الموقف بتعمل حالها انها داخت او شي هيك
طبعا انا بعرف انها مريضة و انو ظغطها عالي و ممكن ياثر عليها هيك موقف بس في اللحظة الماضية كل اللي كنت بفكر فيه انو و لا حد هون دمو من دمي و لا حد و اني جد غريب عنهم و لو اموت ما حد رح يزعل علي ...
نمت او ما نمت مش متذكر لانو كل ما اغفي بصحى و برجع ابكي ......... سمعت اخوي المحترم الكبير و هو بحكي لماما انو الحق عليها انها طلعتني مايص!!!! لهلا مش عارف الجملة المعترضة شو دخلها بالنص ع كل حال الصبح قمت من النوم غسلت وجهي و لبست و حطيت اغراضي بشنتي و طلعت من البيت ع التسعة و نص لما شافتني الماما صارت بدهاش اطلعني الا بعد الغدا طبعا هيك هيك كنت بدي اروح من البيت لانو اليوم دوام بس ما رضيت و تركت البيت و ان شاء الله بكون قد كلمتي و ما برجع الو هاي الويك اند
لانو جد شعور بوجع انو المكان اللي لازم تحس في انو هاد مكانك و بيتك يكون اكتر مكان بتحس فيه بالغربة
و الناس المفروض ترمي حالك بحضنهم و تشكيلهم همومك يكونوا اكتر ناس بظلموك و بعاد عنك :)
المهم انبارح المفروض اخوي الكبير يشرف و يلحقني ع عمان بس قرر انو يطلع اليوم الصبح
شعور مفرح انو البين انبارح كنت لحالي بالبيت بس بنفس الوقت شي بزهق تكون لحالك المهم رحت ع الانترنت
و انا بوخذ معي لاب توب الشركة المعفنة- اللي بدها تحلقلي بشهر ستة ما علينا- احسن ما قعد استنى جهاز
المهم انبارح لما فتت ع غرفة الوير لس ما كان في طاولات فاظطريت انو اقعد ع طاولة شب تاني مع بعض انا ما كنت حاب الفكرة اولها لانو ما رح اخد راحتي ...
بس بعدين انعجقت عجقة محترمة الشب كان كتير حلو :) و مش قادر اعرف اذا كان يتحركش و لا صدفة انتو احكولي خبط اجري مرتين من تحت الطاولة و بس صرت بدي اروح روح زي و وووووووووووووووووووو.................
.
.
.
.
.
.
.
و بــــــــــــــــــــــس ما انغشني اكيد صدفة
هههههههههه
باي
احترموا إبتلاءات الأخرين
قبل عامين (2)
